നിറഞ്ഞ കണ്ണീര്‍ കണങ്ങളില്‍ കണ്ടു ഞാന്‍ ;
വിരഹത്തിന്‍ നോവില്‍ ചാലിച്ചോരെന്‍ രൂപം .
സിന്ദൂര സന്ധ്യ തന്‍ ശോണിമ
നിന്‍ കവിളുകളില്‍ കണ്ടു ഞാന്‍ ;
നോവിന്‍ കനലുകളെരിയുന്നതിന്‍ നിറം.
വിറയാര്‍ദ്രമാം നിന്‍ അധരങ്ങളില്‍
പറയാന്‍ കൊതിക്കുന്ന വാക്കുകളില്‍;
ഒരു ജന്മത്തിന്‍ സ്നേഹസ്മൃതികളലിഞ്ഞു.
പെരുമ്പറ മുഴക്കുന്ന നിന്‍ ഹൃദയത്തില്‍
എന്നോടണയാന്‍, എന്നിലലിയാന്‍;
വെമ്പല്‍ നിറയുന്നതുമറിയുന്നു ഞാന്‍.
തണ്ത്തുറഞ്ഞ നിന്‍ കരങ്ങളില്‍
മൃദുലമാം വിരലുകളില്‍ ഒരു സ്വപ്നാടനത്തിന്‍
കരസ്പര്‍ശ ദാഹമറിയുന്നു ഞാന്‍ .
തളര്‍ന്ന നിന്‍ കാലുകളില്‍ ,
കാല്‍പാദങ്ങളില്‍ ജീവിതയാത്ര തന്‍
മോഹമണയുന്നതുമറിയുന്നു ഞാന്‍ .
kollam gud one ajuvetea :)
ReplyDelete