ജീവതാളം..

നശ്വരമാം ജീവിതവഴിയില്‍ അനശ്വരമാകും 

ഹൃദയവിപഞ്ചികതന്‍ ജീവതാളം ;

അലിയുന്നില്ലതിന്‍ മധുരസംഗീതം 

ഇന്നിന്‍ ഭ്രാന്തമാം ജീവിതശൈലികളില്‍.

അകലുന്നു ബന്ധങ്ങള്‍, മുറിയുന്നൂ  ജീവിതം 

പേറുന്നു മുറിപ്പാടുകള്‍, ഹൃദയവ്യഥകള്‍ ;

വലയുന്നു മര്‍ത്യനതിന്‍ ദുരിതങ്ങളാല്‍

നശിക്കുന്നു സന്തോഷം, മറയുന്നൂ സ്വപ്‌നങ്ങള്‍..

ജീവിത സായാഹ്നങ്ങളില്‍ ഉഴലുമ്പോള്‍ 

തേടുന്നവന്‍ നഷ്ടജീവിതത്തിന്‍ സ്പന്ദനം ;

അറിയുന്നില്ലവനൊരിക്കലും

പ്രപഞ്ചനിയന്താവിന്‍ ഹൃദയരഹസ്യം !!